نادي الكتاب

[Mind Glance]

السلام عليكم

:party0002:
نادي الفتيات للكتاب (http://www.princess-mood.com/bookclub)
الرابط نفسه موجود في الصفحة الرئيسية للمنتدى

الآن التعليقات على الكتب مفتوحة للجميع وليس العضوات فقط
وفي الأسئلة الشائعة مكتوب حتى الشباب ممكن يشاركوا

ما رأيك في هذا النادي كفكرة وشكل؟
وهل انتَ / أنتِ من محبي القراءة وعشاق الكتب؟

شاركوا معنا ولنتحاور معاً...
:w6w_20060309175028d

[عاشق الكوكو]

بصراحة ..

الكتب ترفع ضغطي ...


زمااااااااااااااااااااااااان كنت مدمن على روايات الجيب ..


أما أقرا كتاب عشان معلومة ..

لأ ولأ و لأ

[عاشق الكوكو]

أما رأيي عشان النادي ..

أنا دخلته أكثر من مرة ...


بس الكتب اللي فيه مرة قليلة ...

ويعتمد على عضواته عشان يرفعوا من مكانته ومستواه ...

[**lo0oly**]

بس الكتب اللي فيه مرة قليلة ...



الكتب قليل..لأنه...كل كتاب له فترة نقرأها فيه

ونناقشه...

نعطيه حقه في الوقت..

ويعتمد على عضواته عشان يرفعوا من مكانته ومستواه ...

أصبح بإمكان الجميع..

[Mind Glance]

أما أقرا كتاب عشان معلومة ..

لأ ولأ و لأ
طيب ليش لأ بقوة وبكل افتخار؟ مو احنا برضوا أمة اقرأ؟
القراءة لها فوائد كثيرة على حسب ايش تقرأ... ممكن معلومات وممكن تطوير ذات وممكن تسلية كمان

بس الكتب اللي فيه مرة قليلة ...

ويعتمد على عضواته عشان يرفعوا من مكانته ومستواه ...
زي ما قالت لك اختي لولي
موقع النادي فتح في رمضان... يعني تقريبا ستة شهور
وحسب نظامهم..اكيد الكتب بتكون قليلة

وعلى مين يعتمد... اكيد على كل من يدخله ويحب القراءة لأنه التعليقات مفتوحة للجميع

شكرا لكم عاشق ولولي
وسعدت بمروركم

[**lo0oly**]

بصراحة ..

الكتب ترفع ضغطي ...


زمااااااااااااااااااااااااان كنت مدمن على روايات الجيب ..


أما أقرا كتاب عشان معلومة ..

لأ ولأ و لأ

على قول أستاذ أحمد الشقيري

مو لازم نقرأ عشان احنا هوايتنا القراءة

لازم نقرأ مصلحة..

مصلحة يعني ماراح نتطور غير بالقراءة

وإذا مليت من كتاب مو لازم تقراه استمر بالبحث عن الكتاب اللي يناسبك...

أتمنى تغير فكرتك..

:)

[عاشق الكوكو]

مايند ...

لولي...



احنا بعصر السرعة ...


لما تقري كتاب 500 صفحة ..

المعلومات اللي تستفيدي منها وتطلعي فيها ما تتعدى 5 صفحات ...

فليش أقرا كل الكلام والتعليقات ..

أنا أقرأ شرح الكتاب في النت مثلاً وخلاص ...

[Mind Glance]

احنا بعصر السرعة ...
لما تقري كتاب 500 صفحة ..
المعلومات اللي تستفيدي منها وتطلعي فيها ما تتعدى 5 صفحات ...
فليش أقرا كل الكلام والتعليقات ..

معليش يا عاشق كلامك مستحيل
500 صفحة تعطيك فايدة 5 صفحات.... لا مو معقول مو لدي الدرجة
انا ممكن اوفقك لو قلت 10 او 15 صفحة تعطيك فايدة 5 صفحات

قراءة كتاب لا تماثل قراءة ملخص كتاب ابداً
قراءة ملخص الكتاب يعطيك فايدة اقل من 50%... صدقني

بعدين انت ليش رحت لكتاب 500 صفحة
في كتب اصغر
اختار الموضوع اللي يناسبك مو كل كتاب ولا اي كتاب تقدر تقراه
ومو كل الكتب حلوة
واذا قرأت في كتاب وما قدرت تكمل بانك مو فاهم او طفشت
لا تكمله لأنه نوعه ما يناسبك

انت كنت تحب روايات الجيب... طيب ايش صار؟ اقرأ روايات الجيب
حلوة ومسلية ومافيها شي محرج
وعمرنا ما نكبر على الكتب او القصص

وفعلا اتمنى تغير رأيك وتفكر تاني في الموضوع
------------------------
فين باقي الناس؟ ماعندنا احد يحب يتناقش ويعطي رأيه في القراءة؟

[**lo0oly**]

الكثير لم نسمع رأيه هنا....؟؟

[متيم]

طيب وش السالفه من طقطق والمطلوب


عشان المخ مقفل شوي

[**lo0oly**]

ما رأيك في هذا النادي كفكرة وشكل؟


وهل انتَ / أنتِ من محبي القراءة وعشاق الكتب؟

رابط النادي...في أول مشاركه في الموضوع...

[روح العطا]

لا تعليق

[Mind Glance]

روح العطا... "لا تعليق" على النادي كله :8hr: !!
ولا بس الرد اللي قبلك :23_8:

[سنا الفضه]

روح العطا... "لا تعليق" على النادي كله !!
ولا بس الرد اللي قبلك
:)





لا تعليق



:)

[Mind Glance]

sa3
ما أعتقد الموضوع آخذ حقه :(



طيب ايش رأيكم نقفل النادي؟

[المميز]

ما رأيك في هذا النادي كفكرة وشكل؟
والله فكرتة حلوه وممتازة لكن أنا عتبي على الإسم " نادي الكتاب للفتيات" يعني لو كان الإسم "نادي الكتاب" بس كان أفض أما لما كتبتو للفتيات بصراحه حددتو المشاركة للفتيات بس وحتى ولو إنكم قلتو ممكن الشباب يشاركو بس برضو يظل اسمه للفتيات ..

وهل انتَ / أنتِ من محبي القراءة وعشاق الكتب؟
أنا من عشاق الكتب وأحب أقرأ الكتب
وأستفدت من موقعكم ما أنكر الشي ده لكن اللي كان يمنعني من المشاركه الإسم بصراحه ..

وماشاء الله سمعت انو أخذ جائزة من الجامعه ..
يستاهل الموقع بصراحة ..


طيب ايش رأيكم نقفل النادي؟
في رأيي تغيرو المسمى بس ...
النادي مفيد وحلو ..

[AMONY]

لالالا والله فكرة النادي حلوة بس انا اول مررة اعرف انو عندكم نادي للكتاب بس زي ما قال المميز يا ليت تغيرو اسمو وتسموه (نادي الكتاب) بس عشان النفسية ههه


انا كنت وما زلت من عشان قراءة القصص وروايات احب اقراها
ان شاء الحصل في النادي قصص حلوة ومشوقة


شكرا على المعلومة

[Mind Glance]

المميز
اموني

شكرا لمشاركتكم معانا في الموضوع وتقديم الاقتراح
هذه اول مرة اسمع اقتراح لتغيير اسم النادي
بس اذا كان الاقتراح ده في نفسكم من اول وعجبكم الموقع ... ياريتكم لو رسلتوه على الموقع من اول
لأنه انا بصراحة معاكم في ده الاقتراح برضو... وكنت حاسة انو كل الاولاد حيكون كدة شعورهم
ما يقدروا يشاركوا عشان الاسم "نادي الفتيات للكتاب"<< تحسوا نفسكم داخلين غلط؟.. اعتقد

بس لازم يكون له اسم يميزه.. "نادي الكتاب" بس ما ينفع

عندكم اقتراحات لاسم النادي؟؟
(وترى ما ينفع "نادي اقرأ للكتاب" لأنه موجود اصلا موقع بهذا الاسم )

[AMONY]

بس لازم يكون له اسم يميزه.. "نادي الكتاب" بس ما ينفع

عندكم اقتراحات لاسم النادي؟؟
(وترى ما ينفع "نادي اقرأ للكتاب" لأنه موجود اصلا موقع بهذا الاسم )

انا كان ودي بس تشيلي كلمه للفتيات بس


اما لو محتارة في اسم جديد قوليلي ايش في رأيك في الاسماء التاليه:

أنا اقترح اسم للنادي مثلا (نادي القرّاء,نادي المعلومات)


أو بلاش كلمه نادي
ليش ما تسموه مثلا: كنز المعلومات, مركز الكتاب, معرض الكتاب,مكتبة جنة القلوب



يعني في اسماء حلوة كثيرة بس والله مافي بالي اسماء كثيرة


ان شاء الله اكون افدتك mind glance

[المميز]

مايند جلانس ..
مشكلتي أنا ما أحب أخش شي يكون مخصص للفتيات ولو شدني وخشيت أتجنب أرد ..
وهذا السبب إللي خلاني حتى ما أشارك ولا أقترح رغم زيارتي المتكررة للموقع ..

نعود للمسمى ..

ممممممممم
ممكن تخلي له صله بالمنتدى عشان يكون جزء من المنتدى مثلا
نادي جنة القلوب للكتاب ..

أو ممكن

مختارات الكتب

أو

مختارات من المكتبات

أو

أقرأ معنا

والله في أسامي كثييير بس مايحضرني غير هذه دحين :)
وماشاء الله أموني ما قصر ..

[AMONY]

أشكرك مميز على المديح


اخجلتني خخخخخخخخخخخ


دحين خليتني ابغى أالف اسماءخخخخخخخخخ


شكرا لك مميز

[روح العطا]

أجبرت للعودة والتعليق اخواني اخواتي

بعد مصارعة مع الضمير

مايند

ايش رأيك بـــ

معــ لنرتقي ــــاً

؟؟

[Mind Glance]

اموني
مميز
روح العطا
شكرا لكم كثيرا على اقتراحاتكم اللي فكرت فيها من جد وكثير
واستشرت اشخاص فيها
ولكن ما لقت طريقها الى النادي

ايش رأيكم في
ملتقى نادي الكتاب
نادي روائع الكتاب
نادي روائع الكتب
؟؟

انتظر آراءكم

[روح العطا]

روائع الكتب

:eh_s(15):

برأيي