المساعد الشخصي الرقمي

مشاهدة النسخة كاملة : يلاا تعالوا نتعلم النفااق>>>مين قال ان النفاق ما يأكل عيش

صارخ بصمت
29 Mar 2007, 05:44 AM
عجيبه هذي الحياة!

مدري الانسان معقد ولا احنا اللي معقدينها

بصراحة أستغرب لما تكون صريح مع إنسان وما تلف وتدور معاه

لا وتكون صادق معاه

لدرجة ان صدقك ما فيه أي نوع من أنواع الكذب حتى المجاملة

وبأدب يعني يا ريت لو بقلة أدب

وبعد كل هذا...

تلاقي الشخص زعلان منك ومتأثر وممكن يدعي عليك

وايش السبب يا ترى؟

السبب هوا انك ما جاملتوا وما كذبت عليه

ايوا الذنب هنا انك صادق المفروض تكون كذاب ومجامل

ولو تكون مخادع تكون أحسن صديق في هذي الدنيا!!



بصراحة من كثر ما أشوف هذي الظاهرة منشرة في مجتمعاتنا أبدأ أشك ان الخلل في الصدق والراحة

لكن وبعد ما سألت وفكرت لقيت للأسف المشكلة مو كذا

المشكلة أننا سايرين نحب نعيش في الوهم والظلام وما ندري اي شي عن نفسنا

ما نبغ نعرف اذا كنا غلطانين ولا ماشيين مزبوط

اهم شي بالنسبة لنا اننا نكون مثاليين على الاقل في عيننا

وننكر كلمة ان مافي احد مثالي

للأسف سرنا نحب نعيش في عالم الوهم والخديعة وكأنها هي جنتنا




ما أدري ايش أقول أكثر من كذا

لكن لو كنت انسان محتاج أصحاب وما عندك مانع أنك تدعس على القيم والأخلاق والدين

كون انسان منافق وصدقني حيتجمعوا الأصحاب تحتك

انا عن نفسي للأسف ما أقدر أكون صديق للكثيرين

ودمتم سالمين
Al-Fayrozi
29 Mar 2007, 06:34 AM
أولاً : مشكور على الطرح الرائع و الجرىء للموضوع ,,

ثانياً : أنا معاك في كل كلمة قلتها ,, يعني من جد الناس صارت تزعل من الحقيقة و الصراحة و الكل توجه لأسلوب المدح الكداب إللي هوا المجاملة و النفاق على قولتك ,, و إللي تجاملو يحطك فوق راسو و إللي لأ ,, لأ ,,

بس برضو ,,

إذا المرء لا يرعاك إلا تكلفا ** فدعه ولا تكثر عليه التاسفا


ما نقدر نبني صداقاتنا على أساس المصلحة و النفاق ,, لأنها أصلاً إزا إنبنت على كدا ما حتدوم ,, و حيكون مداها مرة قصير ,, و إزا غلطنا و بنيناها على نفاق و كدب ,, لازم نحاول نصلح الأساسات ,,

و إزا ما قدرت تصلح الخطأ الكبير إللي إرتكبو ببناء الصداقة على الكدب ,, لا تسنى ترى الدنيا لسة بخير ,, يعني الصديق الصدوق راح تحصلو ,, هو صح بالصعوبة حتلاقيه ,, لكن حتلاقيه ,,

عجيبه هذي الحياة!

مدري الانسان معقد ولا احنا اللي معقدينها

الحياة جماد ما يتغير ,, للأسف إحنا إللي تغيرنا !!!





و أسف ,, طولت الفلسفة ,,
%قـمـ§ــ®دلـ§ـع®ــ§ـاري%
29 Mar 2007, 01:11 PM
حلو موضوعــــــــــــك صـارخ ..
:
صرااحه انا عن نفـــــــسي .. احب انه احد يوجهني في خطأي ..
:
مااحب المجامـــــــــلات .. والكذب ماأطيــــــــقه ..صار عادة البعض من الناس ..
:
بالعكس .. كلمة الحق ماتزعـــــل ..
:
(( عامل الناس كمـــا تحب ان تعامـــــــل ))
بس للأسف قليل اللي ينفذ هذا الكـــــــــلام..
:
ومااقول غير .. الله يعطي كل واحد على قد نيتـــــــه ..
والحياه .. ماتتغير .. طبايـــع الناس تغيرهــــــا
:
مشكور صـــــــارخ ..
:
لاتحرمنــــــــــــــــــا ..

مع اطيب تمنياتي.,.,

:)
™؛*·.·الحااااالمه·.·*؛™
29 Mar 2007, 07:15 PM
" الموضوع كله يتمحور في اختيارنا للشخص او الصديق "

إذا اخترنا الصديق الصح صدقني

رايح يتقبل منك اي شي سواءً لو صارحته

راح ياخذ بصراحتك و على الراس من فوق

لو صديقك ما يتحمل انك تصارحواا ويزعل عليك

ويحب انك تجامله صدقني راح يعاملك بنفس

الطريقه في يوم انتا امكن تحتاج منه النصيحه

ويوهمك انك انتا صح ما تحتاج لنصيحه ’’’







تسلم صارخ بالمرة روعه الموضوع ’’’’
**lo0oly**
02 Apr 2007, 10:51 PM
من يريدني...أغير مباديء للسيء...ليس صديق

ولا يهمني..أجمع أكبر عدد من المنافقين..

فمهما فرح الشخص مبدأيا بعددهم....سيحبط..بسوءهم وسوءه بهم..




:)

موضوعك..مربي


انا عن نفسي للأسف ما أقدر أكون صديق للكثيرين

ومرتاح..
صارخ بصمت
03 Apr 2007, 03:40 AM
هلا سلبوسي ...

ردك جيد مرة ...

وبصراحة فرق بين مراعاة المشاعر الاخر ...

وبين النفاق

وبين المصارحة

الواحد من المفترض يقول الصراحة بأسلوب يراعي مشاعر الطرف الاخر ...

المراعاة هي وسيلة

والصراحة هدف صائب

والنفاق خطأ لا يصبح جميلا الا في صور المنافقين

شاكر لك مرورك سلبوسي

واتحفنا دايما بردودك الجيدة
صارخ بصمت
03 Apr 2007, 03:42 AM
اهلا دلع ...

نورتي مروري ...

بصراحة الصراحة شي جميل

يكفي انها تخلي الانسان واضح

بدل من الاختفاء خلف قناع النفاق والزيف...

لكن البعض يخاف من الحقيقة ويرفضها

فيختبئ خلف أقنعة أقبح منها

للأسف حل خاطئ...

الله لا يجمل صورة النفاق في وجوهنا
صارخ بصمت
03 Apr 2007, 03:47 AM
الحالمة ...

اهنيكي لانك انسانة عقلك متفتح

بصراحة انتي نظرتي للموضوع بزاوية ثانية وأثرتي نقطة جديدة في الموضوع

وهيا نقطة الصديق واختيار الصديق

وللأسف الكثير سار يحرص أن يكون عنده صديق منافق عشان يرضي ضميره

عشان يردد كلام هواه

عشان لما يغلط يكون في احد مؤازر له

للأسف هؤلا اتعس الاصدقاء

لانهم يضحكو على انفسهم بالزيف

وللأسف النوع من الاصدقاء اللي ذكرتيه مهم اصدقاء

الصديق يا يعيش بارتياحية مع مبادئ صديقو واما السلام

والا ان الواحد يغير من المبادئ والقيم عشان الصديق فهذي كارثة

بكرة تصل ان تتغير المبادئ الدينية والاسلامية من اجل الصداقة

وسارت كثير مع الاسف الشديد
صارخ بصمت
03 Apr 2007, 03:49 AM
كلامك من دهب يا مديرتنا

اللي يبغاني أغير مبادئي فهذا مو صديق

انما هذا شيطان

لان الشيطان هوا اللي يحرص على العباد انهم يغيرو كل شي صح ابتداء بالدين ...

اعوذ بالله من شياطين الانس والجن



عدوك من صديقك مستفاد @@@ فلا تستكثرن من الصحاب