ملحوظة : سيتم إغلاق أنوار صالة الأفراح الساعة2

[المميز]

:)
أهلين أعضاء جنتي

خبر سمعته

وأتأكدنا منه

الآن في المدينة بدأ تطبيق نظام إغلاق الأنوار من قبل الشرطة لقاعات الأفراح الساعة 2 بعد منتصف الليل...

يعني آخر حد للفرح الساعة 2...

وسمعت بعض القصص الحزينة
منها إنو مره أنقفلت الأنوار على فرح والعروسة ما أنزفت فأضطروا لزفها في الظلام وخرجوا المعازيم والبوفيه ما أتلمس ...
صارت في كذا فرح ...
الله يكون في العون
نبغا آرائكم

بالنسبة ليا كرجل أشوفه قرار ممتااااز (منتاز)
:)

في إنتظار ردود ورود جنتي :)

[zizO_mOny]

هو قرار ممتاز


و مو ممتاز

على الاقل الساعة 3


اما 2 بدري مرررة

[غــلاة الـــروح]

جد والله؟؟

انا بصراحه مالي فهالخرابيط زواجات ومدري وشو

بس انا من رأيي ان اهل الزواج المفروض لهم الحريه يبي يسهرون ولا لأ

مو من حق أي أحد يفرض عليهم وقت محدد .. الناس أحرار

ولو تبي رأيي ودي زواجي يكون فالصبح مع قومة العصافير لين تغرب الشمس

بعدين نقفل ههههههههه

[متيم]

ولو تبي رأيي ودي زواجي يكون فالصبح مع قومة العصافير لين تغرب الشمس

بعدين نقفل ههههههههه


آخر حلاوه


بالنسبه للزواجات عندنا من 11 الى 1 بعدين خلاص


حتى المعرس العرسان الظاهر يرقدون من 11


ههههههههههههههههه

لانه ياخذها من 9

[ديـــم]

ههههههههههههههههههههههههههههههه

حركة بس تصدق احسن ولو انا مااروح للفرح

غير الساعة 11.30 يادوب

والزفه على حسب :) احيان 3 وهاكذا

بس اشوفه قرار مرة كويس

يسلمووو ميزو ؛) ياعسل

[حساسة بزمن قاااسي]

القرار جيد
اذا تم تبليغ اهل العروسين بالمدة المحددة عشان ياخذوا احتياطاتهم..
رغم اني اشوف هالشي راجع لأهل العرس..
بس لوتعمم عالكل أفضل
لان الزواجات صارت مأوى للمعاصي وبالثلث الاخير من الليل مصيبة..


يسلمووووو يالمميز..

[روح العطا]

دحين مستأجرة قاعة وأكل في النهاية يقفلو الأنوار ؟؟؟

أنا مستأجرة على أساس اعمل حفلتي ووقت ماتبدا ووقت ماتخلّص بكيفي

ياهوو حتى بفلوسي ما اتمتع ولا آخذ راحتي

أنا برأيي كل واحد له كامل الحرية ولا أحد له شغل وقت مااخلص اخلص

واللي بيقعد حيّاه السهره مفتوحة

آسفة لو عصّبت لكن مقهورة على ذيك العروسة

الله لا يبلانا

[Al-Fayrozi]

أنا صراحة ضد القرار ...

أنا بكيفي ,, وقت ما أبغى أخرج أخرج .. إنتوا إيش إللي مضايقكم ..!!!


\\


عموماً ,, بعد ما طاح الفاس في الراس و بدأوا في تنفيذ هالقرار ... أنا كنت أتمنى إنهم يأخروها ساعة كمان و لا ساعتين ...

الساعة 2 مرة بدري مرة مرة مرة بدري ..!!!


شكراً ميزو .. :)

:flirty: تحياتو :flirty:

[Mind Glance]

منها إنو مره أنقفلت الأنوار على فرح والعروسة ما أنزفت فأضطروا لزفها في الظلام وخرجوا المعازيم والبوفيه ما أتلمس ...
صارت في كذا فرح ..
مو معقول؟!!!!
متأكد مية بالمية مميز؟
يعني اوكي يحطوا قانون...ماشي حلو ممتازة الفكرة
بس يعني ليش كدة يخربوا احلى ليلة للبنت؟
وعلى قولة روح العطا
دحين مستأجرة قاعة وأكل في النهاية يقفلو الأنوار ؟؟؟

انا مع القرار
بس مو طريقة التطبيق هذه
او يمكن يكون الغلط على اهل الفرح؟ مدري امكن المفروض يخلو بالهم من الساعة

بس احس في المدينة في ناس كتير صاروا يتمادوا مرة في الافراح
يعني الزفة يأخروها مرة حتى اكثر من اهل جدة
تقريبا قبل الاذان بساعة
يعني الناس يقوموا بعد الفرح يفطروا مو يتعشوا خخخخخ

شكرا مميز على طرح الموضوع

[عاشق الكوكو]

والله القرار مررررة حلو ...



في سوريا فرح الرجال الظهر .. وحفلة صغيرة في الليل ..

والحريم من 9 كلهم في الصالة ..

الساعة 12 الزفة ..

ووحدة كلهم في بيوتهم ..

ولا أحلى ..


أما هنا بصراحة مصخرة ..

نودي الحريم من 12 .. وما يخرجوا الا 5 الفجر ..

وبقية اليوم كله في المشاغل ..

أنا من مؤيدين هذا القرار ..

بس حبة حبة ..

[المميز]

مايند ،،
متأكد من القرار


بس تعرفوا أحلى مافي الموضوع ؟؟
إنك لما تكون بتستنى أمك ما حتتأخر يعني إنت تتعشى وتقعد شويه مع العيال إلا والحريم خرجوا :)


يسلمو للكل على المرور وإضافة الآراء :)
والله لا يحرمنا منكم كلكم